216-р сар2018

Бидэнд мэддэг юм шиг хэрнээ мэддэггүй нэг зүйл байдаг. Тэр нь хөөрөг. Ер нь хөөрөг хаана үүссэн, хэдийд үүссэн гэх асуултууд нь тодорхойгvй хоцорч байгаа ба зарим нэгэн хэвлэлд монголчууд XI-XII зуунаас хэрэглэж иржээ гэх мэтчилэн бичсэн нь ихэд эргэлзээг төрүүлж буй юм. Учир нь Я.Цэвэлийн «Монгол хэлний тайлбар тольд» хамарт үнэрлэн хэрэглэх тамхи хийх савыг хөөрөг гэнэ гэсэн байдаг. Нэгэнт тамхитай холбогдон яригдаж буйгаас үзэхэд монголчууд Чингисийн үед тамхи татаж байсан байж таармааргvй.

Монголын нэвтэрхий тольд бичсэнчлэн  үнэртэн хэрэглэх сав гэж ойлговол өөр хэрэг бөгөөд аль ч тохиолдолд археологын малталт судалгаа, түүхэн баримтаар батлагдаж баймаар. Нийтэд хүлээн зөвшөөрөгдсөнөөр бол тамхийг XV зуун хүртэл америк тивийн  уугуул иргэд болох индианчуудаас өөр хүмүүс мэддэгvй байсан бололтой. Археологын судалгаагаар  нийтийн он тооллын (НОТ)-ын өмнөх 4000 оны үед хойд америкийн индианчууд тамхийг хэрэглэдэг байсныг харуулдаг. Тэд тамхийг эрүүлжүүлэх увидастай шидэт зүйл хэмээн үзэж ер нь бол бурхадтай харьцахтай л зүйрлэдэг байжээ.

 Дэлхий нийтээр өргөн хэрэглэдэг tobaco гэдэг нь Тобаго арлын нэр гэж зарим судлаачид үздэг. 1492 оны 10 дугаар сарын 15-ны өдөр Колумбын экспедицийн испани далайчид өнөөгийн Төв Америкт хөл тавьснаар тамхитай анх учиржээ. Тэр үед индианчууд тамхины ёс заншилдаа хэрэглэдэг хуйлсан навчийг tobaco гэж байв. Улмаар испани, португалчууд тамхины навч, үрийг Европт авчиран тарьж эхэлсэн байдаг. Олон   улсад төрөл бүрийн хорио цээрийг тогтоож байсан боловч маш хурдтайгаар тархжээ. Усан цэрэг, худалдаачид шашны зүтгэлтнүүдээс гадна улс төрчид ч энэ үйлст хувь нэмрээ оруулцгаасан аж. Португалийн хааны ордон дахь Францын хатан хаан Екатерина Медичид эмчилгээний зориулалттай хэмээн илгээснээр тэр нь хатан хаанд сайнаар нөлөөлж, улмаар Франц даяар тархжээ. XIX зууны эхээр гаргаж авсан алкалойдыг түүний нэрээр никотин хэмээн нэрлэсэн түүхтэй.

[Тайлбар: Никотины нэрэнд нэрийг нь ашигласан хүний талаар энд бичсэн зүйлд зарим үг үсэг гээгдсэн байж магад санагдсанаас хайлт хийж үзэхэд дараах мэдээлэл гарав:

Наименование «никотин» происходит от латинского названия табака Nicotiana tabacum, которое, в свою очередь, придумано в честь Жана Нико — посла Франции при португальском дворе, который в 1560 году отправил немного табака королеве Екатерине Медичи, порекомендовав его как средство от мигрени[7][8]. https://ru.wikipedia.org/wiki/%D0%9D%D0%B8%D0%BA%D0%BE%D1%82%D0%B8%D0%BD –Цахим өртөө вебийн нийтлэгч]

XVI зууны сүүлийн хагасаас дэлхий даяар түгж XVII зуун гэхэд дэлхий тэр аяараа тамхи татах болсон байна. Навчин болон хамрын тамхи XVI зууны сүүлээр португал, испанийн далайчид, худалдаачид, шашны зүтгэлтнүүдээр дамжин Филипинээс эхлэн Японоор дамжин тус бvс нутагт тархсан гэж судлаачид vздэг.  XVII зуунд тэндээсээ зүүн хойд хятад, солонгос, монгол руу тархсан гэж бичигдэх нь ч бий.   Хятадууд хамрын тамхиа хийх савыг төрөл бүрийн хэлбэр хийцтэйгээр хийх болж, үүндээ шил, шаазан гэх мэт төрөл бүрийн материалуудыг ашиглан яваандаа урлаг, гоёл чимэглэл талаасаа их хөгжин дэлхий нийтээр Chinese snuff bottle гэсэн нэрээр мэдэгдэх болсон. Хятадын Гуанжоу, Бээжин, Шанду, Ляонин мужууд, Түвд , Монголд хөөргийг хийж ихэд хэрэглэх болсон бөгөөд Түвдэд янз бүрийн металлаар , Хятадын Ляонин мужид гартаамаар хийх нь их  байжээ. Хөөрөгний дотор талынх нь зураг, тэгш гөлгөр сайхан гадаргуу, урлагын өндөр хэмжээнд очсон сийлбэр  зэргээрээ Европт гайхагдан үнэт эдлэл цуглуулагчдын сан хөмрөгт очиж эхэлжээ.

Хөөрөг зөрүүлэх мэндлэх ёс

Цагаан сар бол монгол түмний хүндэтгэл бахархлын их баяр байдаг. Энэхүү баяраар монголчууд эхлээд ахмад настнуудынхаа амрыг эрэн золгож мэндэлчихээд суудалд сууж хөөргөө зөрүүлэн:

-Сар шинэдээ сайхан шинэлж байна уу?
-Таны бие лагшин тунгалаг уу?
-Даага далантай, бяруу булчинтай
Сүрэг мал онд мэнд тарган тавтай оров уу гээд хөөргөө харилцан солилцож тамхилж мэндээ мэдэлцдэг.

Монголын ард түмэн хөөрөг, гаанс гэдэг эд өлгийн дурсгалт, үнэт зүйлийг хэрэглэн эрт дээр үеэс өнөө үе хүртэл сайн сайхан санааг асууж амар мэндээ мэдэлцэж хөөрөг зөрүүлэн тамхилж ирсэн заншилтай. Мэндлэх гэдэг бол хүндлэх болон ёс зүйт хүний сэтгэлээр элгэмсэг хандаж байгаагаа илэрхийлэх жинхэнэ монгол үндэсний нэг илэрхийлэл юм. Монголчууд хөөргөөр тамхилахдаа ярилцаж ойлголцдог ард түмэн билээ.

Хөөрөг зөрүүлж сайн сайхан яваагаа мэдэгдэж, амар амгалангаа айлтгацгаана гэсэн байдаг. Гаанс солилцон мэндлэх ёс заншил уламжлагдан явсаар хөөрөг хэрэглэдэг болсон цагаас хойш хөөрөг зөрүүлэн мэндлэх ёсон бий болжээ.
Хөөрөг зөрүүлэн мэндлэхдээ хөөрөгнийхөө толгойг султгаж тус тусынхаа хөөргөө алгандаа барьж бөөр бөөрөөр нь харилцан зөрүүлж солилцдог. Хөөрөгтэй тамхийг авч хамартаа хүргэн үнэрлээд буцаан солилцдог. Энэ бол харилцан бие биенээ хүндэтгэсэн нөхөрсөг харилцааны илэрхийлэл болдог ажээ.

Монголчуудын дунд ихэд дэлгэрсэн мэндчилгээний нэг хэлбэр нь хөөрөг солилцон мэндчилэх ёс юм. Хөөрөг солилцох ёс бол ирсэн угтсан бүгдээрээ эв найртай халуун дотноор бие биедээ хандаж буй дохио илрэл юм.

Ирсэн зочин гэрт орж тухлан суусны дараа гэрийн эзэнтэй хөөргөөр тамхилах эртний ёсыг баримтлан хөөрөг солилцон мэндэлдэг. Хөөргийг “Тамхилдаг заяатай шар”, “Мэндийн шар”, “Мэнд сайхны тамхи” хэмээн нэрлэж эрэгтэйчүүд биедээ авч яван тамхилж хөөрөг зөрүүлэн мэндчилдэг ёстой.

Монголчуудын эртний уламжлалт хөөрөг солилцон тамхилах ёсыг хөөрөг зөрүүлэх, хөөрөг тамхи барих, хөөрөг солилцох, хөөргөөр тамхилах гэх зэргээр нэрлэж иржээ.
Мэндлэхдээ ахмад буюу төрийн хүндэт хүнд эхэлж мэндчилж тамхилна. Настан буурал, хүндэт зочныг суудлаа эзэлсний дараа дүүмэд хүн хөөргөө хоёр гараараа өргөн биеэ бага зэрэг мэхийсхийн барьдаг.

Нөгөө хүн ч энэ үед өөрийнхөө хөөргийг даалингаасаа гаргаж баруун гараараа өгөхөд дүүмэд хүн нь хоёр гараараа тосон авч хамартаа хүргээд буцааж бариад өөрийн хөөргийг авдаг байна. Ингэж солилцохдоо хөөрөгнийхөө толгойг нь бага зэрэг султган нар зөв гурав эргүүлж, өөрөө нэг үнэрлээд гарддаг. Тэр нь чөлөөтэй харилцах санаа, харилцан ойлголцох, эв найртай явахын бэлгэдэл болдог байна. Хөөргийг авсан хүн тамхинаас зохих хэмжээгээр халбагадан татах буюу үнэрлээд буцааж өгнө. Тэгэхдээ толгойг нь бага зэрэг чангатгадаг. Энэ нь тухайн хүний санааг бүрэн хүлээн зөвшөөрч байгааг илтгэн илэрхийлдэг.

Сүүлчийн хоёр абзацыг энд дарж үзээрэй.

Хөөрөг солилцон мэндлэхдээ дээлний товчоо тайлах буюу ханцуй шамлах, сугалдаргалахыг цээрлэдэг.

Тэрчлэн хөөргөөр амар мэнд асуухаас гадна эв түнжин эвдэрсэн, хоорондоо муудсан хүмүүс тамхилж: Хонзонгоо арилгая, Хоёр биедээ өс санахгүй явъя! хэмээн эвлэрэх бэлэгдлийг илэрхийлж заншсан нь нэн эртний улбаа билээ

http://av.mn/r/345

Билгийн тооллын хаврын тэргүүн сар, Арвандолдугаар жарны усан Могой жилийн сар шинийн баярыг тохиолдуулан Британийн Монголчуудад зориулсан нийтийн золголт, Ажиа гэгээнтэй хийх уулзалт 2013 оны 2 дугаар сарын 16-ны өдрийн Бямба гарагт 14:00-17:30 цагийн хооронд Rudolf Steiner House Theatre -т болно.

Ажиа гэгээн нь Бурханы шашны Гэлүгба урсгалыг үндэслэгч Богд Зонховын аавын 8-р дүрийн хувилгаан. Түвдийн Амдо мужийн Гүмбүм хийдийн хамба байсан, Хөх нуурын Дээд Монгол угсгааны тэрээр улс төрийн ээдрээт амьдралын эрхээр АНУ-д дүрвэн гарч өдгөө Индиана мужийн Блүүмингтон хотноо дээрхийн гэгээн Далай Ламын удирдлага дор баруун Гүмбүм хийдийн хамба, Түвд Монголын Шашин Соёлын Төвийн тэргүүний http://tmbcc.net/ албыг хашин Бурханы номын ухаан, Түвд Монголын шашин соёлыг дэлгэрүүлэн түгээх, хүн зон тэр дундаа элэг нэгтнүүддээ туслах ажилд бүхий л сэтгэл зүрх, цаг заваа зориулан ажиллаж байна. Гэгээнтэн туулж өнгөрүүлсэн амьдралынхаа тухай Surviving the dragon (англиар), Цагийг Бэлэгдэгч Наран Чөлөө (Монголоор) ном туурвиж хэвлүүлжээ.

CancerTreatmentHospitalАжиа гэгээний санаачилан Монгол түмэндээ зориулан хийж буй томоохон ажлуудын нэг нь Улаанбаатар хотноо Эх Нялхсын төвийн дэргэд баригдаж буй Цусны хавдарт хүүхдүүдийн эмчилгээний Төв юм. Уг эмнэлэг нь гэгээнтний шавь Америк, Монгол, Хятад, Япон зэрэг олон олон сайхан сэтгэлт хүмүүсийн тус дэм хандивийн хүчээр одоогоор 3 давхар хүртлээ баригдаад буй бөгөөд үлдсэн 3 давхарыг барих хөрөнгийг босгосноор 9 дүгээр сард ашиглалтад оруулахаар төлөвлөж байгаа аж.

Гэгээнтний өөрийн болоод хийж бүтээж буй зүйлсийн талаархи зарим мэдээллийг түүний Улаанбаатар хотноо санаачилгаар байгуулагдсан Энэрэл Нигүүслэл Оюун Билгийн Төвийн цахим хуудаснаас http://bikhanzi.com үзэх боломжтой

Британийн Монголчууд Та бүхнийг энэхүү нийтийн золголт, уулзалтад хүрэлцэн ирж өөр хоорондоо шинэлэн золгохын ялдамд Хөх нуураас тодорсон Монгол гэгээнийхээ айлдвар сургаалийг сонсож, ном уншлагад багтан, гэгээнтний Монгол түмэнд зориулан босгож буй эмнэлгийн ажилд өргөл хандиваа өргөхийг уриалж байна.

Уулзалтын ерөнхий хөтөлбөр

Хугацаа Үйл ажиллагаа Тайлбар
14:00-15:00 Танхимд орох, ахмад настай хүмүүстэйгээ болон хоорондоо золголт хийх Танхимд үүдэнд бүртгэгдэн орно. Хүрэлцэн ирсэн ахмад настангуудад хүндэтгэл үзүүлж золгох  Ахмад настай хүмүүст цай идээ өгөх. нэрсийг бичнэ.
15:00-15:05 Ажиа гэгээнтэй хийх уулзалтын нээлт Элчин Сайдын Яамнаас арга хэмжээг нээнэ. Арга хэмжээний ерөнхий дарааллыг Монголчуудын холбооноос танилцуулна
15:05-15:15 Ажиа гэгээний амьдрал түүхийг үзүүлсэн танилцуулга Хүрэлцэн ирсэн Монголчууддаа танилцуулах зорилгоор Ажиа гэгээний амьдрал түүхийг үзүүлсэн богино хэмжээний танилцуулах бичлэг дэлгэцнээ гаргана
15:15-16:00 Ажиа гэгээний айлдвар, асуулт хариулт Ажиа гэгээн Британийн Монголчууддаа зориулан өөрийн айлдвараа хэлж Монголчууддаа зориулан хийж бүтэээж буй зүилсийнхээ талаар танилцуулан сонирхсон асуултуудад хариулна.
16:00-16:20 Ажиа гэгээний сар шинийн ёсолгоонд зориулсан уншлага Ирж буй ондоо эрүүл мэнд сайн сайхан явахын ерөөл уншлага хийнэ
16:20-16:30 Ажиа гэгээн бясалгалын зарим дасгалуудаас заах Ажиа гэгээн Монголчууддаа зориулж бясалгалын зарим дасгалуудаас зааж хамтдаа бясалгал үйлднэ
16-30-16:50 Зураг авалт, урлагийн тоглолт Гэгээнийг үзэгчдийн суудалд суулган хүн бүр суудалдаа байх байдлаар нийтийн зураг авахын зэрэгцээ урлагийн үзүүлбэр тоглож хүндэтгэл үзүүлнэ.
16:50-17:20 Ажиа гэгээнээс адис авч, гэгээнтний аравнайлсан идээний дээжээс хүртэх Гэгээнтэн тайзнаа эргэж гарч байраа эзэлснээр хүссэн хүмүүс  урд эгнээнээсээ эхлэн баруун шатаар өгсөн тайзанд гарч Гэгээнтнээс адис аван , аравнайлсан идээний дээжийг хүртэж зүүн шатаар уруудан гадагш гарна

 

  • Арга хэмжээнд оролцох сонирхолтой хүмүүс Монгол Соёлын Төвийн захирал Б.Мартад (07939267474 утсаар, Энэ и-мэйл хаягийг спамботоос хамгаалсан. Та үзэхийн тулд JavaScript идэвхжүүлэх хэрэгтэй. емэйлээр ) оролцох хүний нэр, тоогоо өгч урьдчилж бүртгүүлнэ үү. Танхим нь 250 хүнийн багтаамжтай ба хүний тоо үүнээс хэтрэх тохиолдолд оруулах боломжгүй тул эхэлж бүртгүүлсэн нь эхэлж орох дарааллаар бүртгэлийг хийнэ.
  •  Танхимд орох урьдчилсан бүртгэлийг тулгах үед хүн бүрт дугтуй тарааж өгөх ба та дугтуйн дээр өөрийн уншуулах ном, зориулах хүмүүсийнхээ нэрсийг бичин сайн дураараа өргөх өргөлийн мөнгөө дотор нь хийж Ажиа гэгээнээс адис авах үед гэгээнтэнд гардуулж болно.
  • Хаяг: Rudolf Steiner House Theatre. 35 PARK ROAD, NW1 6XT, Regent’s Park болон Baker Street underground station-ээс 4 минут алхана. Ойролцоо ирэх автобусны дугаар:  2, 13, 18, 27, 30, 74, 113, 139, 159, 274.
  •  Болох газрын гадна өдрийн цагаар машин тавих зогсоол байхгүй болохыг анхаарна уу

Зохион байгуулагч:
•    Элчин сайдын Яам – www.embassyofmongolia.co.uk
•    Британийн Монголчуудын холбоо – www.mongolians.co.uk
•    Монгол Соёлын Төв – www.mongolianculturecentre.co.uk
•    АНУ дахь Түвд Монголын Шашин Соёлын Төв – www.tmbcc.net

Эх сурвалж: http://www.mongolians.co.uk/mon/292

Цахим Өртөө Сүлжээнд элсэх

  • Өртөөний сүлжээнд элсэх

tsahim_urtuuХэрэв та Монгол Туургатны Цахим Өртөө Сүлжээнд элсэхийг хүсвэл: http://groups.google.com/group/tsahim-urtuu-suljee хаягаар зочилж маш хялбархан бүртгүүлж болно. Та Гүүгл суурьт энэхүү сүлжээнд имэйлээ бүртгүүлснээр манай сүлжээний гишүүн болно.

 

Image Temp

Энэ хуудас нь Цахим Өртөө сүлжээний нийт гишүүдийн хамтын бүтээл байх бөгөөд ажил хэргийн санал болгоныг вэбийн хамтлаг тухай бүр нь тусган энэ хуудсанд оруулж байх болно. Хамтран ажиллаж буй, ажиллахаар зэхэж буй таньд баярлалаа.

Newsletter