186-р сар2018

Бямба, 05 9-р сар 2015 04:10

НЭГ АЛХАМ – НЭГ УРАМ

Written by 
Rate this item
(2 votes)

Монгол улсад 2014 оны байдлаар 130.000 гаруй хөгжлийн бэрхшээлтэй хүн байгаагаас 32 мянга нь хүүхдүүд гэсэн үзүүлэлт бий. Хамгийн эмгэнэлтэй нь энэ тоо цаасан дээр л харагддаг, хүмүүс нь цаана нуугдмал амьдардаг.

Тэдэнд зориулсан үйлчилгээний байгууллагууд хомс, дэд бүтэц болон хүртээмжийн байдлаас болоод ихэнх нь нийгмийн идэвхитэй амьдралд тэр бүр оролцож чаддаггүй нь гашуун үнэн. Төрийн бодлого хүлээвэл турж үхэхийн үлгэр тул хэсэг залуус нэгдэн эдгээр хүмүүсийн төлөө ханцуй шамлан ажилдаа орцгоосон. Спортоор дамжуулж тэднийг нийгэмшүүлье гэсэн зорилго тавьж Амжилтын хэлхээ ТББ үүсгэн, “Хамтдаа гүйцгээе” спортын аяныг зохион байгуулж эхлэв. Саад бэрхшээлүүдийг тоочиж барамгүй их байлаа. Хөгжлийн бэрхшээлтэй хүмүүс гүйлтэд хамрагдая гэхээр гэр хол, зам тээврийн хүндрэл, санхүүгийн асуудал, сайн дурын ажилтнуудын хомсдол гээд л. Өөрсдийнхөө төлөө зүтгээд хүний гар харалгүйгээр тэмцээд ирсэн нэгэнд нь тухайн спортын төрлөөрөө тууштай хичээллэх боломж бараг тэг хувь, янз бүрийн шалтгаанаар эрүүл байх хувь тавилан дутуу хүүхдүүдээ асарч буй эцэг эхчүүд бизнес хийх гэхээр энэ гээд нэрлэчих бодит дэмждлэгүүд нойл заасан байлаа. Энэ бүхнээс үүдэж ерөөсөө дан ганц спортоор биш нийгэмд бүхэлд нь хандсан цогц үйл ажиллагааг хэрэгжүүлэх нь илүү үр дүнтэй гэсэн сонголтонд Монголын Ахилчууд гэгдэх залуус тулж очсон юм.

Ахилис гэж хэн бэ?

Одоогоос 39 жилийн өмнө Дик Тром гэж америк залуу ид насандаа хөлөө тайруулж л дээ. Тахир дутуу байдалдаа гутралгүй хүмүүнлэгийн үйлс хийхээр сэтгэл зориг шулуудсан байдаг. Гүйлтээр хичээллэж, улмаар Нью-Йорк хотод зохиогдсон холын зайн тэмцээнд оролцсон ба түүний энэ сонголт нь амьдралынх нь үнэмлэхүй өөрчлөлт болсон гэдэг. Ингээд 1983 онд өөртэйгээ ижилхэн хөгжлийн бэрхшээлтэй хүмүүст туслах зорилгоор Ахилис Track Клубыг үүсгэн байгуулсан нь өдгөө “Achilles International” олон байгууллага болон өргөжиж өдгөө дэлхийд 65 салбартай болоод байна. Ахилчуудын онцлог нь соёл амралтын болон цэцэрлэгт хүрээлэн, ногоон байгууламж, баялдаржуулах клуб, спорт цогцолборууд зэрэг газарт хөгжлийн бэрхшээлтэй иргэдэд зориулсан арга хэмжээг өдөр бүр зохион байгуулж, сайн дурынхны холбоогоороо дамжуулан тусламж дэмжлэг үзүүлдэг. Ийм тогтмол ажиллагааны үрээр гүйгчдэд биеийн хүчний чадвар сууж, өөрийгөө ялж чадсан сэтгэлийн тэнхээгээр аливаа саад бэрхшээлийг даван туулах хэмжээлшгүй боломжийг олж авдаг байна. teamБусдын тусламж дэмжлэг дээр амьдрал нь бараг оршин тогтнож байдаг Монголын хөгжлийн бэрхшээлтэй хүмүүст итгэл найдвар өгөхийн тулд Амжилтын хэлхээ ТББ-аас санаачлан Ариг банктай хамтар “Ахиллис Интэрнэшнл Монгол” олон улсын байгууллагын салбарыг өнгөрсөн оны 2-р сард үүсгэн байгуулсан. Одоогийн байдлаар хөгжлийн бэрхшээлтэй 90 орчим гишүүнтэй, сайн дурын 14 ажилтантай, удирдах зөвлөлийн 7 гишүүнтэйгээр үйл ажиллагаа явуулж байна. Албан ёсны фэйсбүүк хуудас нь 1300 орчим лайктай, мэдээллийн хүртээмж өдөрт 30.000 хүнд хүрдэг, Ахиллис Монгол фэйсбүүк дэх бүлэг нь 153 идэвхтэй гишүүнтэй байна. Нэгэнт олон улсын байгууллагын салбар тул зөв жишгээр ажлаа эхүүлж бүртгэлийн үндсэн байгууллагын болон гишүүд гэсэн байдлаар багаа бүрдүүлж эхлэв. Хамгийн эхний уулзалтанд 27 хүн бүртгүүлснээс 22 нь хөгжлийн бэрхшээлтэй, 5 нь сайн дурын гишүүд байсан бол дараагийнх дээр 30 гаруй хүн бүртгүүлснээс 4 нь сайн дурын ажилтан, үлдсэн нь хөгжлийн бэрхшээлтэй хүмүүс байв. Эдгээр уулзалтын үеэр гишүүдтэйгээ хамтран боулинг, нисдэг таваг тоглох зэргээр хамтын ажиллагаа эхлүүлсэн нь спортын аль нэг төрлийг ямар нэг хөгжөөнт эвэнттэй хослуулах шинэлэг арга болсон байдаг. Ахилчуудын гол зарчим нь хүний эрхийг дээдлэх, уян хатан байх, хүртээмжтэй байх, ил тод байх, шудрага байхыг ажлаараа харуулах явдал юм.

Гаргасан мөр

guiltО.Саранчулуун хэмээх нийгмийн ажилтан эмэгтэйг энд дурдахгүй байх боломжгүй. Тэрбээр хөгжлийн бэрхшээлтэй боловч бусдыг сайн үйлсэд уриалан ил гарч ирснээр нийтэд Монголын Форест Гамп, Сэлмэн хөлт эмэгтэй, Нуман хөлт гэх мэтээр танигдсан байдаг. Түүний үүсгэсэн цахим бүлэгт хагас жилийн дотор 3000 гаруй гишүүн өөрсдөө хүсэлтээрээ элсэж, бямба гараг бүрт болдог гүйлтэнд давхардсан тоогоор 500 гаруй хүн, үүнээс 100 орчим нь хөгжлийн бэрхшээлтэй хүмүүс тогтмол оролцох болов. “Хамтдаа гүйцгээе” аяны хүрээнд 2014 онд бүх нийтийн гүйлтийг 2 удаа зохион байгуулж уг үйл ажиллагаанд 300 гаруй сайн дурын ажилтан, 1300 гаруй гүйгч, 300 орчим хөгжлийн бэрхшээлтэй хүмүүс оролцсон байдаг. Тэгвэл “Амжилтын хэлхээ” ТББ-ын “хүүхэд” нь болох “Ахилис Интернэшнл Монгол” олон улсын байгууллага нь дөрөвхөн сарын хугацаанд дараах ажлуудыг амжилттай хийсэн юм.

Үүнд: - 2015 оны АНУ-ын Нью-Йорк хотын марафонд хиймэл хөлөн дээр гүйгч Монголын тамирчин О.Саранчулуун, гар дугуйн төрлөөр П.Энхманлай нар анх удаа амжилттай оролцсон.

  • - “Хамтдаа гүйгцээе” нөлөөллийн гүйлтийг 2 удаа зохион байгуулж 1200 гаруй хүн оролцсон
  • - Ахиллис Монгол хөгжлийн бэрхшээлтэй иргэдийн спорт группийн үйл ажиллагааг тогтмолжуулж, мэдээллээр хангаж, хөгжүүлж байна
  • - Дараах цахим хуудсуудыг идэвхтэй хөтлөн, үйл ажиллагааны мэдээллийг тогтмол хүргэж, олон нийтийн санаачлага, санал, шүүмжийг хүлээн авч хамтран ажилладаг. Үүнд:

 Achilles Mongolia https://www.facebook.com/groups/322335647966701

 Ахиллес Интернэшнл Монголи пэйж хуудас https://www.facebook.com/achillesinternationalmongolia

 www.achillesmongolia.mn

Итгэл найдвар ба боломж

Монголын Ахилчуудын “Итгэл Найдвар ба боломж” нэртэй хандивын аянг санаачлан хэрэгжүүлж энэ оны 3-р сард АНУ-ын Денвер, Вашингтон ДС, Чикаго, Лос Анжелэс, Сан Франциско, Сайн Луис хотуудан амжилттай зохион байгуулаад ирлээ. Хот тус бүрт 3 – 5 км гүйлт, алхалт зохион байгуулснаас гадна багийн гишүүд болох О.Саранчулуун “Өөрийгөө хэрхэн ялах вэ, хөгжлийн бэрхшээлтэй хүний хувийн түүх” сэдвээр, Э..Бат-Орших “Санаагаа хэрхэн бизнес болгох вэ” сэдвээр, Ч.Ганжавхлан “Гэгээлэг монгол” сэдвээр тус тус илтгэл тавьж, хандивын аянд оролцогчдод оюуны бэлэг барьсан билээ. Та Ахилчуудын эгнээнд нэгдмээр байгаа бол гол хэдэн зөвлөмжийг хүргэе. - Сайн дурын ажилтан хэлбэрээр оролцох бол таны үүрэг дараах байдлаар тодорхойлогдоно. Жишээ нь, Хөтөлж гүйх, олон улсын марафонд хөтөч хийх. Ахиллис монгол клубын байнгын үйл ажиллагаанд туслах. Байгууллагын сайн дурын гишүүнийн сургалтанд хамрагдах

 Хэрвээ хандивлагчдын эгнээнд манлайлахыг хүсвэл www.achillesmongolia.mn цахим хуудсанд хандаж мөнгөн болон мөнгөн бус байдлаарх оролцоог идэвхжүүлээрэй.  Ахилчуудтай байнга холбогдохыг хүсвэл Achilles international Mongolia фэйсбүүк хуудас, 9903-9680 дугаарт хандаж болно.

Нэг алхам – Нэг урам

Амьдралынхаа тоолж баршгүй алхмуудаас ганцыг ч болов хэн нэгний төлөө Та зориулж байсан уу? Нэг алхам бүрт нэг урмыг хүмүүст өгөх нь магадгүй хүнлэг мөн чанар, ухаалаг үйлдлийн илэрхийлэл ч болж мэдэх. Ямар нэг хөгжлийн болоод хөдөлгөөний бэрхшээлийг үл хэрэгсэн Монгол хүн бүр хамтдаа гүйж, эрүүл мэнддээ анхаарч, нэг өдрийг спортлог өнгөрүүлэх гэж байна. Энэ өдөр бол 2015 оны 9-р сарын 13. “Итгэл Найдвар Боломж” Улаанбаатар 2015 анхны хагас марафон зохион байгуулагдах юм. BatuulХотын дарга Э.Бат-Үүл, Нийслэлийн Засаг даргын орлогч Ч.Буяндалай зэрэг төр засгийн төлөөлөл биднийг дэмжиж энэ өдөр 5 км хамт гүйхээр болсон нь монголын залууст урам зориг өгсөн нэг алхам болсон билээ. Бүх нийтийн энэхүү гүйлт нь 4 үндсэн зорилготой.

Үүнд:

  1. Олон нийтэд хөгжлийн бэрхээлийн талаарх ухамсар, ойлголтыг дээшлүүлэх
  2. Спорт нь эрүүл мэнд, амжилтын үндэс гэдгийг олон нийтэд сурталчилах
  3. Хөгжлийн бэрхшээлтийн иргэдийг спортоор хичээллүүлэх ажлыг санхүүжүүлэх хөрөнгө босгох
  4. Нийгмийн хариуцлагатай аж ахуйн нэгж, хувь хүнийг сурталчилах

Таныг огтхон ч эргэлзэхгүйгээр энэ гүйлтэнд нэгдэнэ гэдэгт итгэлтэй байна.

Тиймээс яг одоо www.achillesmongolia.mn сайт руу орж бүртгүүлээрэй.

Эсвэл 70133060 дугаар руу хэзээ ч залгаж асуух боломжтой.

Дэлгэрэнгүй мэдээллийг https://www.facebook.com/events/395972310527409 фэйсбүүк хуудаснаас аваарай.

Read 3949 times Last modified on Мягмар, 08 9-р сар 2015 22:42

9 comments

  • Comment Link Даваа, 08 5-р сар 2017 22:09 posted by Tracykig

    wh0cd778278 inderal 20mg cialis

  • Comment Link Бямба, 08 4-р сар 2017 01:42 posted by AlfredAudit

    wh0cd485884 amaryl BUY ACYCLOVIR

  • Comment Link Лхагва, 05 4-р сар 2017 11:22 posted by BennyDwell

    wh0cd134260 buy zithromax buy diflucan without a prescription buy fluoxetine online

  • Comment Link Баасан, 17 3-р сар 2017 13:03 posted by CharlesLen

    wh0cd308032 generic revia lisinopril propranolol 60 mg

  • Comment Link Ням, 26 2-р сар 2017 18:44 posted by Phyllishor

    wh0cd357836 Cialis Price

  • Comment Link Пүрэв, 19 1-р сар 2017 22:27 posted by Aaronemess

    wh0cd15621 cost of tretinoin augmentin diclofenac 50 mg tablet hydrochlorothiazide triamterene micronase

  • Comment Link Мягмар, 17 1-р сар 2017 03:16 posted by AlfredAudit

    wh0cd679493 buy lasix alli sale citalopram ciprofloxacin hcl 500 mg buy cefixime cost of advair

  • Comment Link Лхагва, 21 12-р сар 2016 18:30 posted by asMig73ofpu

    propranolol order aldactone paxil continued duphaston

  • Comment Link Даваа, 19 9-р сар 2016 14:47 posted by asMignvp4ab

    allopurinol tablets

Leave a comment

Email * */ ?>

Цахим Өртөө Сүлжээнд элсэх

  • Өртөөний сүлжээнд элсэх

tsahim_urtuuХэрэв та Монгол Туургатны Цахим Өртөө Сүлжээнд элсэхийг хүсвэл: http://groups.google.com/group/tsahim-urtuu-suljee хаягаар зочилж маш хялбархан бүртгүүлж болно. Та Гүүгл суурьт энэхүү сүлжээнд имэйлээ бүртгүүлснээр манай сүлжээний гишүүн болно.

 

Image Temp

Энэ хуудас нь Цахим Өртөө сүлжээний нийт гишүүдийн хамтын бүтээл байх бөгөөд ажил хэргийн санал болгоныг вэбийн хамтлаг тухай бүр нь тусган энэ хуудсанд оруулж байх болно. Хамтран ажиллаж буй, ажиллахаар зэхэж буй таньд баярлалаа.

Newsletter