Цахим Өртөөний нэрэмжит Оюутны тэтгэлгийн ялагчид тодорлоо

Цахим Өртөө

Related links in English
- The Tsahim Urtuu Scholarship Announcement
- The Scholarship Application (in PDF)
- Donation Drive
Холбоотой мэдээллүүд
- Хандивын аян
- Цахим Өртөөний нэрэмжит оюутны
тэтгэлгийн болзол

- Press Release: Афганистаны Монгол угсаатан
Хазара оюутнуудад ”Цахим Өртөөний нэрэмжит
тэтгэлэг” олгонo (PDF)

- Хандивлагчдын нэрс

2009 оны 5 сарын 31 буюу Mонгол туургатны “Цахим Өртөө Сүлжээ” үүсэн байгуулагдсаны 10 жилийн ойн энэхүү билэгт сайн өдөр, Цахим Өртөө Холбоо ТББ, Цахим Өртөөний нэрэмжит Оюутны тэтгэлгийн комиссийн зүгээс Монгол Улсын Их Сургуульд суралцах бүтэн тэтгэлэгт уралдаанд ялагч монгол угсаа гаралтай хазара үндэстний, ахлах сургууль төгсөгч гурван шилдэг сурагчийн нэрийг зарлан тунхаглахдаа баяртай байна.

2009-2013 оны эрдмийн жилд зориулсан тэтгэлгийн хөтөлбөрт зөвхөн хоёр шилдэг хазара сурагчийг сонгон шалгаруулах төлөвлөгөөтэй байсан боловч шилдэг оролцогч бүрийн материалыг сайтар хянаж үзсэний дүнд Тэтгэлгийн комиссийн гишүүдийн шийдвэрээр энэ жилийн тэтгэлэгт онцгой нөхцөл байдлыг харгалзан үзэж гурав дахь ялагчид тэтгэлэг олгохоор шийдвэрлэлээ.

Цахим Өртөөний нэрэмжит оюутны тэтгэлгийн ялагчаар: 

Мэгдад Салехи
Захра Хуссейн Бахш
Гулам Аббас
нар тодорлоо.

Тэтгэлэгт хөтөлбөрийн ялагчдыг тодруулахдаа сүүлийн шатанд шалгарсан 6 шилдэг сурагчдаас хичээл сурлага, нийгмийн тусч хөдөлмөрийн үйлст хэр  өндөр амжилт үзүүлсэн болоод цаашид их дээд сургуульд хэр үр дүнтэй суралцах оюуны чадамжтайг харгалзан үзэж, утсаар ярилцлага хийсний дүнд шүүгчдийн саналаар шигшин сонгосон билээ. Цахим Өртөө сүлжээний нэрэмжит оюутны тэтгэлэгт хөтөлбөрийн зорилгыг доорхи байдлаар тодорхойлсон билээ:

    * Ирээдүйд өөрсдийн улс эх орны удирдагчид болохуйц хичээл сурлагадаа өндөр амжилт гаргасан ахлах сургууль төгсөгч хазара сурагчдыг Монгол Улсад суралцуулах;
    * Тэтгэлэгт хамрагдсан сурагчдад орчин үеийн Монгол улсын нийгэм соёлтой танилцах боломж олгох;
    * Хазара, Монгол түмний эв нэгдлийг бэхжүүлэх зорилго дор тэтгэлэгт оюутнууд нь насан туршдаа Хазара ард зоныг Монголчуудтай холбох элч төлөөлөгч болох үйлст дэмжлэг үзүүлэх;
    * Тэтгэлэгт оюутнуудын эрдмийн болоод хувийн амжилтыг дэмжих;

Цэвэр өрсөлдөөнөөр шалгаруулж олгосон уг тэтгэлэгт 5 жилийн сургалтын төлбөр, оюутны дотуур байр, хоол, номын төлбөр, эрүүл мэндийн даатгал, бүртгэлийн хураамж, визний хураамж, сургалтын бусад зардал болон оюутны амьдарч буй орноос Монгол Улсад ирэх, буцах замын зардал багтсан болно.

Нийт 52 000 ам. доллар хүртэлх мөнгөн дүнгээс бүрдэж буй тэтгэлгийн сан нь Цахим Өртөө сүлжээ, Цахим Өртөө Холбооны гишүүд, гадаадад суугаа Монголчууд, мэргэжлийн байгууллага, Монголын хувийн аж ахуй нэгж, корпорациудын хандиваас бүрдэж байна.

Монголын өв соёл, түүх, нийгмийн тухай гүн гүнзгий мэдлэгийг олсон, ирээдүйн удирдагчдын хувьд Цахим Өртөөний нэрэмжит тэтгэлэгт оюутнууд нь Монгол, Хазар ард түмэн, засгийн газар, институт хоорондын харилцаа холбоог бий болгоход үнэтэй хувь нэмрээ оруулна гэдэгт бид итгэлтэй байна.

Монголын ард түмэн, Монгол туургатны Цахим Өртөө Сүлжээ, Цахим Өртөө Холбооны гишүүдийн нэрийн өмнөөс Цахим Өртөөний нэрэмжит Оюутны тэтгэлэгт хөтөлбөрт ялсан Мэгдад Салехи, Захра Хуссейн Бахш, Гулам Аббас нарт халуун баяр хүргэе!

Оюутны тэтгэлгийн комисс
Цахим Өртөө Холбоо ТББ
Улаанбаатар хот, Монгол улс
2009 оны 5 сарын 31-ний билэгт сайн өдөр

 

Цахим Өртөөний нэрэмжит оюутны тэтгэлгийн ялагчид

     
Нэр: Мэгдад Салехи
Нас: 20
Төрсөн газар: Кабул хот, Афганистан
Суралцах чиглэл: Нийгмийн ухаан, монгол хэл судлал
Сургууль: МУИС, Монгол Хэл Соёлын Сургууль
Одоо эрхэлж буй ажил/сургууль: Марефат ахлах сургуулийн 12 ангийн сурагч
Бичсэн эссэний ишлэл: "...Улс төрийн орогнолоор дүрвээд буцаж ирснийхээ дараа Марефат ахлах сургуульд сурч эхэлсэн. Марефат ахлах сургуульд сурч байхдаа бид Монгол угсаа гаралтай болохыг мөн Чингис хааны үеэс бид дэлхийн энэ бүс нутагт нүүн суурьшсан юм байна гэдгийг ойлгосон... Монгол, хазара хэлэнд олон арван ижил төстэй үг, хэллэг байдаг тухай багш нараасаа болоод Перс хэл дээр гарсан хэд хэдэн номоос уншиж мэдсэн... Намайг энэ тэтгэлэгт өрсөлдөхөд багш маань Чи Монгол улсад хазарачуудынхаа элч төлөөлөгч болж очно шүү гэж их сайхан үг хэлсэн... Үнэхээр тэгж чаддагсан бол үнэхээр их бахархууштай хэрэг болох билээ!... "

Нэр: Захра Хуссейн Бахш
Нас: 20
Төрсөн газар: Бамиан, Афганистан
Суралцах чиглэл: Сүлжээний инженер
Сургууль: МУИС, Мэдээллийн Технологийн Сургууль
Одоо эрхэлж буй ажил/сургууль: Англи хэлний цагийн багш
Гишүүнчлэл: Залуу Удирдагчдын Форум
Бичсэн эссэний ишлэл: "...Талибаны засаглал унасны дараахан 2005 онд би эх нутагтаа дээд боловсрол эзэмшихээр буцаж ирсэн... Голцуу хазара үндэстэн төвлөрсөн Афганистаны төв хэсэг болоод Бамианы Их сургуульд мэдээллийн технологийн салбарын мэргэжилтнүүдийн хомсдлыг арилгаж, тулхтай хөгжлийн төлөө хүчин зүтгэх хүсэлтэй.... Өнөөдрийг хүртэл хийж бүтээсэн зүйлстээ сэтгэл хангалуун биш байна. Хэрэв Монгол оронд 5 жил сурч, өөрийгөө хөгжүүлж, дээд боловсрол эзэмшээд ирвэл би хавьгүй ихийг хийж бүтээж, Афганистанд буй хазара ард түмнийхээ төлөө ажиллахад бэлэн болж чадна гэдэгтээ итгэлтэй байна... "

Нэр: Гулам Аббас
Нас: 20
Төрсөн газар: Күэтта, Пакистан
Суралцах чиглэл: Түүх, сэтгүүлзүй
Сургууль: МУИС, Нийгмийн Шинжлэх Ухааны Сургууль
Одоо эрхэлж буй ажил/сургууль: ActionAid - ядуурлын эсрэг олон улсын байгууллагад харилцааны ажилтан, Daily Outlook - сонины редакцид ажилладаг.
Бичсэн эссэний ишлэл: "... Сайн сайхан цаг мөч ирнэ гэдэгт найдсан миний итгэл найдвар л намайг хүнд цаг үест зоригжуулж байлаа... Миний туулсан амьдрал, миний хүсэл мөрөөдөл, Монгол өвөг дээдсийнхээ тухай илүү ихийг олж мэдэхийг хүссэн миний тэмүүлэл, санхүүгийн нөхцөл байдал минь намайг Монгол Улсын Их Сургуульд суралцуулах Цахим Өртөөний нэрэмжит оюутны тэтгэлэгт хөтөлбөрт тэнцэх боломжыг олгоно гэж би найдаж байна..."

"Цахим Өртөөний нэрэмжит Оюутны тэтгэлгийн төсөл"-ийн бүрэлдэхүүн:

Цахим Өртөөний нэрэмжит Оюутны тэтгэлгийн комиссийн гишүүд
Д.Сайнбаяр - Комиссын тэргүүн, Цахим Өртөө Холбоо ТББ-ын УЗ-ийн дарга
П.Баярмагнай -Цахим Өртөө Холбоо ТББ-ын УЗ-ийн гишүүн
Н.Баасандорж -Цахим Өртөө Холбоо ТББ-ын УЗ-ийн гишүүн
Др. Ч.Лодойравсал - МУИС, Мэдээллийн Технологийн Сургуулийн захирал
Др. Д.Заяабаатар - МУИС, Монгол Хэл Соёлын Сургуулийн захирал
Проф. Ш.Содном - МУИС, Нийгмийн Шинжлэх Ухааны Сургуулийн захирал
Д.Цэрэнбат - Цахим Өртөө Холбоо ТББ-ын тэргүүн, Лондон, Их Британи
Д.Анулан - Цахим Өртөө Холбоо ТББ-ын гүйцэтгэх захирал
Проф. Азиз Роеиш - Марефат ахлах сургуулийн Удирдах зөвлөл, Кабул, Афганистан
Риза Катеб - Азийн сан, Кабул, Афганистан
Хуссейн Хазара - Дэлхийн банк, Кабул, Афганистан

Цахим Өртөө Холбооны Удирдах зөвлөл
Б.Билэгсайхан - УБ, Монгол
Б.Жамц - УБ, Монгол
Б.Найдалаа - УБ, Монгол
Д.Сайнбаяр - УБ, Монгол
Д.Сэрдарам - УБ, Монгол
Д.Цэрэнбат - Лондон, Их Британи
Ж.Амаржаргал - УБ, Монгол
Ж.Саруултуяa - Токио, Япон
Н.Баасандорж - УБ, Монгол
Н.Энхжаргал - Лос Анжелос, АНУ
П.Амарбат - УБ, Монгол
П.Баярмагнай - УБ, Монгол
Т.Энхжаргал - УБ, Монгол
Ч.Отгочулуу - УБ, Монгол

Цахим Өртөө Холбооны гишүүд
А.Амарбаяр - Токио, Япон
Б.Алтанхүү - УБ, Монгол
Б.Бат-Орших - УБ, Монгол
Б.Лутаа - УБ, Монгол
Б.Нолжирмаа - УБ, Монгол
Б.Номинчимэд - УБ, Монгол
Б.Тэлмэн - УБ, Монгол
Б.Энхжин - Женев, Швейцари
В.Шинэнэмэх - УБ, Монгол
Г.Байгаль - УБ, Монгол
Г.Солонго - УБ, Монгол
Д.Анулан - УБ, Монгол
Д.Батдулам - УБ, Монгол
Д.Гантулга - Лондон, Их Британи
Д.Цэрэндорж - Сан Францисцо, АНУ
Ж.Батзандан - УБ, Монгол
Л.Лханаран - УБ, Монгол
М.Билгүүн - УБ, Монгол
М.Саруул-Эрдэнэ - Вашингтон Ди.Си, АНУ
М.Өсөхжаргал - УБ, Монгол
С.Бадрал – Берлин, Герман
С.Болд - УБ, Монгол
С.Чулуунбаатар - Нью-Йорк, АНУ
Т.Алтангэрэл - УБ, Монгол
Х.Сансартуяа - УБ, Монгол
Ч.Ганболд - Охайо, АНУ
Ч.Даваажамц - УБ, Монгол
Ч.Энхзаяа - УБ, Монгол
Ш.Баатар - Сан Франциско, АНУ
Ш.Пүрэвсүрэн - УБ, Монгол
Э.Батбаяр - УБ, Монгол

Санал, сэтгэгдэлүүд

Зочин

sainuu?

tanai boyansag uilest tsing setgeliin yrool devshuulyee. girgis bolon irand baikh mongoltsootiig anharaldaa avkhiig naidaj bainam. ukreind baikh kirimiin tatariig ts gesen.

b

bayr hvrgey

Ta bvhend amjilt hvsye! tsahim urtuuu holboo tvvnii gishvvd demjigchded bvgdend n talarhal ilerhiiley! Ene ta bvhnii aguu vils jil ireh bvr ulam orgojin telj delhiigeer tarhsan olon olon tsus negt ahan dvvs maani mongol ulsdaa irj suraltsahiig hvsen yeruuy! Ta bvhnii ajild amjilt vteeliin deediig hvsen yeruuy!

Munkhtur

Gaihamshigtai!

Saihan medee sonsood samsaa sharhirch baina shuu! he he
Ene tetgelgiin sanaag anh olj sonsood uneheer ih bayarlaj bilee. Delhiigeer neg tarj butarsan ahan duusee gesen setgeliin ene ilrel, zorimog sanaachlaga tsaashid urgujin telj olon uls orond uur uur ulsyn deever dor suugch Mongolchuudyg oyun sanaa, uzel bodol, hel soyol, urlag sportoor negtgeh ih uilsiin ehlel gej bodoj baina! Sayahan Mongold bolson Mongol undestnii buhiin ih naadam bas dorvitoi zuil bolson gedgiig helmeer baina. Sain uils delgereh boltugai!

Munkhtur

email

utsaar yari

Tserenbat andiin emailiig Tsahim Urtuu Holboo ruu utasdaad email hayagiig ni avna uu. Utas:312920

Зочин

монгол улс 25сая.ам.доллор луйварчинд алдав.

2009 оны 06 сарын 02
Код TSX:IVN NYSE:IVN
Хаалтын 5.86 5.36
Худалдан авагчийн
Худалдагчийн
$ өөрчлөлт even even
Тоо ширхэг 4583806
Дээд 6.46 5.97
Доод 5.59 5.13

Оюу Толгойд
яг одоо цаг агаар:
Mostly Cloudy, 25 C

Sumdorj

Sain zuil hiijee

Tanai hamt olon mash saihan zuil hiijee tsaashdiin chini ajil uilsed amjilt husey!

Jagi

Ene sanaachlagiig buren

Ene sanaachlagiig buren demjij baina. Bi uuruu Afghanistand NUB-d ajillaj baigaa. Edgeer oyutnuudiin email hayagiig avch bolohuu?

Зочин

saihan uils hiisen shuu ta

saihan uils hiisen shuu ta bugd. Gehdee yag Mongol tsaraitai hazaruud zunduu bdgiin bna lee. tednees olj shalgaruulsan bol bas itgel unemshiltei boloh bailaa

Zia

Amoxicillin for cats

Hey. Innovation has nothing to do with how many R&D dollars you have. When Apple came up with the Mac, IBM was spending at least 100 times more on R&D. It's not about money. It's about the people you have, how you're led, and how much you get it. Help me! Please help find sites for: Amoxicillin for cats. I found only this - amoxicillin allergic reaction treatment. Amoxicillin, there are no severe herbs for bite. Three returns require under strongylida, rarely trichostrongyloidea, strongylidea, and ancyclostomatoidea, amoxicillin. Thank :-( Zia from Moldova.

Сэтгэгдэл бичих

Таны и-мэйл хаяг бусдад харагдахгүй.
  • Allowed HTML tags: <b> <i> <u>
  • Lines and paragraphs break automatically.
  • Web page addresses and e-mail addresses turn into links automatically.