2310-р сар2017

Мягмар, 25 6-р сар 2013 11:58

Дэлхийн хүн амын тоо 1950 оноос хэрхэн өөрчлөгдөв, мөн цаашид . . .

Written by 
Rate this item
(3 votes)

Дэлхийн хүн амын тооны байдал 1950 онд одоогийнхоосоо их л өөр байж. Тэр үед Европод л гэхэд дэлхийн нийт 2,5 тэрбум хүний 22 хувь нь амьдарч байж. Герман, Их Британи, Итали, Франц улсууд дэлхийн хамгийн олон хүн амтай 12 орны тоонд бүгдээрээ ордог байж. Гэвч Азийн эдийн засгийн хурдацтай өсөлт, Африкийн хүн амын өсөлтийн өндөр төвшинтэй нийлээд дэлхийн хүн амын бүс нутгийн хуваарилалтад ихээхэн өөрчлөлт оруулав.

НҮБ-ын Дэлхийн хүн амын хэтийн төлөвийн хамгийн сүүлчийн буюу 2012 оны тооцоо ( World Population Prospects )-нд дурдсанаар дэлхийн хүн ам өнөөдөр /2013 оны 7 сард/ байгаа 7,2 тэрбумаасаа өсөж 2050 онд 9,6 тербум болох аж. 2050 он гэхэд нэмэгдсэн байх 2,4 тербум хүний талаас илүү нь Африкийн иргэд байх юм байна. Энэтхэгийн хүн ам 1,6 тербум болж хөөх бөгөөд замдаа 2028 онд Хятадыг гүйцэж түрүүлэх юм байна. Хятадын хүн ам 2030 онд дээд хэмжээндээ хүрэх гэнэ. Энэтхэгийн хүн ам дээд тоондоо 2063 оны орчимд хүрэх юм байна.

НҮБ-ын Хүн амын хэтийн төлөвийн илтгэлд тооцоолсноор 2100 он гэхэд дэлхийн хүн ам 10,9 тербум болж цааш өссөөр байх юм байна. Бас наслалтын хувьд ч хавьгүй хөгширсөн байх юм байна. Дундаж нас өнөөдөр 29 байгаа нь тэр үед 41 болсон байх юм байна. Тэр үед дэлхийн хүн амын 28 хувь орчим (бараг 3 тербум шахам хүн) нь 60 аас дээш насныхан байх гэнэ.

Дээр дурдсан тооцоонд зарим улсын хүн амын тоог дараах байдалтай байна гэж тооцоолсон байна. Хүн амын тоо мянган хүнээр.

Улсын нэр                                    1950 онд,   2013 /7 сар/,  2025 онд,     2050 онд,      2100 онд 
Дэлхий ...................................... 2 525 779    7 162 119      8 083 413     9 550 945    10 853 849
Монгол улс  . . . . . . . . . . . . . .              780           2839             3270             3753             3937            
Хятад ..........................................  543 776    1 385 567       1 448 984    1 384 977      1 085 631
Финлянд .........................................  4 008          5 426             5 607          5 693            5 762
Грузин...........................................    3 527           4 341            4 080           3 563            3 026
Энэтхэг .......................................  376 325     1 252 140      1 418 744     1 620 051      1 546 833
Израйл ...........................................  1 258           7 733             9 071         11 843           15 011
Ливан  ....................................         1 335            4 822            5 043           5 316             4 114
Люксенбург ..................................      296               530               608              706               716
Нигери ........................................   37 860         173 615         239 874        440 355         913 834
Оросын холбооны улс...................  102 799         142 834         136 967        120 896         101 882
Серби.............................................. 6 732             9 511             8 891           7 074             4 054
Словак.........................................     3 437             5 450             5 451           4 990             3 892
Швейцари ....................................    4 668             8 078             9 067          10 977           12 822
АНУ                      ............            157 813          320 051         350 626        400 853          462 070

Тайлбар: Энд том, содон (жишээ нь, бидний суралцаж жишээ авбал зохих Израйль, Швейцари гэх мэт) гүрнүүдээс гадна Монголтой 2100 онд ойролцоо буюу 4 сая орчим хүнтэй байх (Хөгжлөөрөө өрсөлдөж, Энэтхэг Хятадыг замдаа орхиж байгаа лугаа адил замдаа орхивол зохих :)) орнуудыг сонирхуулж түүлээ.

Хүн амын тоогоор эхний 12-т ордог орнуудыг хүн амын тооны уруудах дарааллаар харуулбал 1950, 2013, 2050, 2100 (Тооцооны дунд хувилбараар)

Улс ба бүс нутаг Хүн ам /сая/ Хуримтлагдсан Улс ба бүс нутаг  Хүн ам/сая/   Хуримтлагдсан 
                         1950онд     хувь                                             2013 онд      хувь
1. Хятад               544          21.5                   1. Хятад                1 386          19.3
2. Энэтхэг            376          36.4                   2. Энэтхэг              1 252          36.8
3. АНУ                 158          42.7                   3. АНУ                      320          41.3
4. ОХУ                 103          46.7                   4. Индонези              250          44.8
5. Япон                 82          50.0                   5. Бразил                  200          47.6
6. Индонез            73          52.9                   6. Пакистан              182           50.1
7. Германи            70          55.7                   7. Нигери                 174           52.6
8. Бразил              54          57.8                   8. Бангладеш            157            54.7
9. Их Британи       51           59.8                   9. ОХУ                     143           56.7
10. Итали             46           61.6                 10. Япон                    127           58.5
11. Франц            42           63.3                  11. Mexico                122            60.2
12. Бангладеш      38           64.8                  12. Филиппини           98            61.6

Улс ба бүс нутаг Хүн ам /сая/ Хуримтлагдсан Улс ба бүс нутаг  Хүн ам/сая/   Хуримтлагдсан 
                         2050онд       хувь                                          2100 онд      хувь

1. Энэтхэг              1 620       17.0                1. Энэтхэг            1 547          14.3
2. Хятад                 1 385      31.5                 2. Хятад              1 086          24.3
3. Нигери                  440      36.1                 3. Нигери               914          32.7
4. АНУ                       401     40.3                 4. АНУ                    462          36.9
5. Индонези               321     43.6                 5. Индонези            315          39.8
6. Пакистан                271     46.5                 6. Танзан-н нэгдсэн БНУ 276    42.4
7. Бразил                   231     48.9                 7. Пакистан             263          44.8
8. Бангладеш              202     51.0                8. Ард-н Конг-н БНУ  262          47.2
9. Этопи                     188    53.0                 9. Этопи                  243         49.5
10. Филиппини           157    54.6                10. Уганда                205          51.3
11. Мехсико               156    56.3                11. Нигер                 204          53.2
12. Ард-н Конг-н БНУ  155    57.9                12. Бразил                195          55.0

Содон сонирхолтой зүйлс гэвэл Энэтхэг Хятадаас олон хүнтэй болохоос гадна 1950 онд эхний 12т багтаж байсан их 7, их 8 гэх мэтээр нэрлээд байдаг АНУ, Орос, Япон, Герман, Их Британи, Итали, Франц гэх мэт өндөр хөгжилтэй том гүрнүүдээс Герман, Их Британи, Итали, Франц улсууд хүн амын тоогоор эхний 12-т багтахаа аль хэдийн больсон бол ОХУ, Япон хоёр удахгүй эхний 12-оос түрэгдэх нь. За тэгээд дэлхийн хүн амын арьсны өнгө яаж өөрчлөгдөхийг дараах графикаас харвал их тодорхой харагдахаар юм. Дараах графикийг Билл Гейтс нүдэнд хялбар тусаж ойлгогдох байдлаараа гайхамшигтай (Great visualization) гэж онцлон жиргэсэн байна билээ.     

 

Эцэст нь графикаас харагдаж байгаа сонирхол татахуйц бас нэг зүйл бол Ази, Африкийн шар, ялангуяа хар арьстнуудын тоо эрс өсөх бол европын цагаан арьстнууд маань цөөрөх нь. Тухайлбал, 2050 он гэхэд одоогийнхоос Болгарчууд 2,1 сая хүнээр буюу 29,7 хувиар, Молдавчууд 1 сая хүнээр буюу 28,8 хувиар, Серби 2,4 сая хүнээр буюу 25,6 хувиар, Украйн 11,6 сая хүнээр буюу 25,6 хувиар гэх мэтээр Белорус, Латви, Румын, Грузин, Орос (21.9 сая хүнээр буюу 15,4 хувиар хүн нь цөөрнө), Литвия, Япон (18.8 сая хүн буюу 14,8 хувиар), Герман (10,2 сая хүнээр буюу 12,3 хувиар), Польш, Унгар, Словак, Грек, Итали гэх мэт улсуудын хүн ам хорогдсон байх нь.    

Мэдээллийн эх үүсвэрүүд:

1. 

2. http://www.economist.com/node/21579707

3. http://esa.un.org/unpd/wpp/Documentation/pdf/WPP2012_%20KEY%20FINDINGS.pdf

Монголчлон эвлүүлсэн

Б. Жамц

130623

Read 10580 times Last modified on Мягмар, 25 6-р сар 2013 13:46

130 comments

Leave a comment

Цахим Өртөө Сүлжээнд элсэх

  • Өртөөний сүлжээнд элсэх

tsahim_urtuuХэрэв та Монгол Туургатны Цахим Өртөө Сүлжээнд элсэхийг хүсвэл: http://groups.google.com/group/tsahim-urtuu-suljee хаягаар зочилж маш хялбархан бүртгүүлж болно. Та Гүүгл суурьт энэхүү сүлжээнд имэйлээ бүртгүүлснээр манай сүлжээний гишүүн болно.

 

Image Temp

Энэ хуудас нь Цахим Өртөө сүлжээний нийт гишүүдийн хамтын бүтээл байх бөгөөд ажил хэргийн санал болгоныг вэбийн хамтлаг тухай бүр нь тусган энэ хуудсанд оруулж байх болно. Хамтран ажиллаж буй, ажиллахаар зэхэж буй таньд баярлалаа.

Newsletter